Қазақстанның Қарулы Күштері–ел айбыны

10 мамыр 2018

Қазақстанның Қарулы Күштері–ел айбыны

 

Құрметті Ұлы Отан соғысы мен Қарулы Күштердің ардагерлері, жауынгер интернационалистер, Қазақстан Республикасының әскери қызметкерлері!

Конституциялық әрі азаматтық борышына және әскери антқа адал, аға ұрпақтың даңқты дәстүрін жалғастырушы Қазақстан Республикасының Қарулы Күштерінің жауынгерлері 7 мамырда төл әскерлеріміздің 26 жылдығын және 9 мамырда Ұлы Отан соғысы Жеңісінің 73 жылдығын атап өтеді. Бірінен-бірін бөліп қарауға болмайтын қос мерекенің барша қазақстандықтар үшін мән-маңызы ерекше.  Қай заманда да батыр ұлдары мен ержүрек ерлері байтақ жері мен бейбітшіл елін жаудан аман сақтап қалып отырған. Қазақ халқының жауынгер халық бола тұра, тұрақты әскері болмағанын да тарихтан білеміз. Шүкір, өткен ғасырдың соңында ғана тәуелсіздік таңы атқан тұста төл Қарулы Күштеріміз құрылды.

Елбасының ұдайы қамқорлығының арқасында бүгіндері әскеріміз ықтимал қауіп қатерге лайықты жауап бере алатын жағдайда. Отан қорғаушылар алдағы уақытта да еліміздің гүлденуі жолында жауынгерлік әзірлігін жоғары көтеріп, кәсібилігі мен шеберлігін арттыра беретініне сеніміміз мол. Егемен Қазақстан әскерлерінің қалыптасуының басы-қасында болған барша әскери қызметшілер, Ұлы Отан соғысы мен Қарулы Күштерінің ардагерлері, жауынгер-интернационалистер еліміздің қорғаныс қабілетін арттыруға, жастарды қазақстандық патриотизм рухында тәрбиелеуге өз үлестерін қосып келеді.

Жеңіс күнінің майдангерлер үшін орны ерекше. Жылдар өтсе де дүниежүзін дүр сілкіндірген Ұлы Отан соғысының әкелген зардабы мен қияметі еш ұмытылмақ емес. Біз, бәріміз жеңістің қаншалықты қымбатқа түскенін жақсы білеміз. Жүз мыңдаған қазақстандықтар майданға аттанды. Олардың көпшілігінің есімдері аңызға айналған батырлардың қатарынан орын алады.  Біз батырлардың ұлдары, немерелері және шөберелері, ел мен жердің бостандығы үшін өмірлерін қиған Ұлы Отан соғысының ержүрек және батыл солдаттарын құрметпен еске аламыз.

Бүгінде Отан қорғаушылар сіздерден үлгі-өнеге алады. Олар сіздер жүріп өткен даңқты жолдардың лайықты жалғастырушылары. Құрметті Ұлы Отан соғысы мен Қарулы Күштердің ардагерлері, интернационалист-жауынгерлер, Қазақстан Республикасының Қарулы Күштерінің әскери қызметкерлері! Сіздерді мерекелеріңізбен шын жүректен құттықтаймын! Сіздерге және жақындарыңызға зор денсаулық, ізгілік пен ұзақ өмір, табыс пен бақыт тілеймін! Өрісіміз кең де айдынды, Қарулы Күштеріміз айбынды бола берсін!

Бақытжан Жолдас,

аудандық қорғаныс істері жөніндегі бөлім бастығы

подполковник.

Соңғы жаңалықтар

IMG_7018 ҚОҒАМ
12.09.2018

Өзекті мәселелерді бақылауға алды БЕЙСЕНБІ КҮНІ ОБЛЫС ӘКІМІНІҢ ТАПСЫРМАСЫ БОЙЫНША, АРНАЙЫ БЕКІТІЛГЕН КЕСТЕГЕ САЙ АУДАНЫМЫЗҒА ОБЛЫС ӘКІМІНІҢ БАС ИНСПЕКТОРЫ ТЕРЛІКБАЕВ ӘЛІБЕК МАМЫТЖАНҰЛЫ КЕЛІП, ЖЕРГІЛІКТІ ТҰРҒЫНДАРМЕН КЕЗДЕСУ ӨТКІЗДІ (СУРЕТТЕ). «НҰР ОТАН» ПАРТИЯСЫ АУДАНДЫҚ ФИЛИАЛЫНЫҢ МӘЖІЛІС ЗАЛЫНДА ӨТКЕН ЖИЫНҒА АҒА БУЫН ӨКІЛДЕРІНЕН ҚҰРАЛҒАН ТӨЛЕ БИ АУЫЛЫНЫҢ ТҰРҒЫНДАРЫ ҚАТЫСТЫ. Төле би ауылдық округінің әкімі Е.Даберов жиынды ашып, облыстан келген қонақты таныстырып, көпшілікті жиынға белсене атсалысуға шақырды. Мұнан кейін сөз кезегін алған Ә.Терлікбаев: -Бүгінгі кездесудің мақсаты – ауылдың тыныс-тіршілігін назарға алып, тұрғындардың мемлекеттік мекемелер басшыларының халықпен байланысы, мекемелердің қызмет сапасы жөніндегі ойларын, оларға қатысты сын-пікірлерін тыңдап, елді мекендегі өзекті мәселелерді жоғарғы билік өкілдеріне жеткізіп, оңынан шешілуіне ықпал ету,-деп атап өтті. Сұрақ-жауап кезеңінде алғашқы болып сөз алған аудандық ардагерлер ұйымы кеңесінің мүшесі М.Шалғынбаев бірнеше уақыттан бері нақты шешімі табылмай келе жатқан көгілдір отынның құнына байланысты ойын ортаға салды. Сондай-ақ, осы сұрақ төңірегінде М.Уақтегі, Н.Бердиев, Ә.Орманов, И.Алиев сынды аға буын өкілдері де пікірлерімен бөлісті. Мысалы, М.Шалғынбай жоғарыдағы билік органдарына 1200-ден астам адамның қолы қойылған хат жіберілсе де, әлі күнге дейін ешбір оң нәтиже жоқтығын айтса, Н.Бердиев өзге аудандарда халықтың көңілінен шықпаған мердігер ұйым ол жерде жұмыс жасамайтындығын, ал бізде «Париев» ЖШС әлі де өз жұмысын жалғастырып отырғандығына ренішін жеткізді. Оның айтуынша, ауыл ішіндегі қалтасы қалың азаматтар көгілдір отынға қосылып, игілігін көруде, ал бір зейнетақыға қарап отырған зейнеткелер мен қаржылық мұршасы жетпейтін өзге де тұрғындар тек арман жетегінде келеді. Сондай-ақ, И.Алиев көгілдір отынға қосылу бойынша Ұлы Отан соғысына қатысушыларға теңестірілгендерге жеңілдік бар-жоғын сұраса, Ә.Орманов осыдан бірнеше жыл бұрын өз көшесіне орнатылған су құбырларының бірнеше жерден жарылып, әлі күнге дейін су атқылап тұратындықтан, су құбырларын түбегейлі жаңарту, «Аша» тұрғын алқабындағы көше жолына асфальт төсеу қажеттігін, өйткені, кешкі уақытта көшенің шаңынан таза ауамен тыныстауға мүмкіндік жоғын жеткізді. Сондай-ақ, аудандық қоғамдық кеңес төрағасы Е.Досымбаев Төле би ауылындағы жер асты суының көтерілу мәселесін алға тартып, оның алдын алмаса, жерді қамыс басып, шамамен бес жылдан соң тұрғындар 1000 гектар жерден айырылып қалатындығын айтты. Осы және өзге де ұсыныс-пікірлерді мұқият тыңдаған Әлібек Мамытжанұлы жер асты суының көтерілуі шын мәнінде мәнді мәселе екендігін айтып, алдағы уақытта облыс орталығында өтетін үлкен жиынға Е.Досымбаевты шақырып, мәселенің шешімін табуды сол жерде бірге қарастыратындығын жеткізді. Көше жолын асфальттау бойынша округ әкімі Е.Даберов қанағаттанарлық жауап берсе, Әлібек Мамытжанұлы көгілдір отынға қосылу құнын арзандату яғни, көпшіліктің аузынан түспей жүрген 82 756 теңге жөнінде жан-жақты зерделеп, жақын арада жауабын айтатындығын мәлімдеді. Динара БАТЫРХАИРОВА. Суретті түсірген автор.

Бейсенбі күні облыс әкімінің тапсырмасы бойынша, арнайы бекітілге...

Телефон қабылдау

8 (72638) 3 10 75