Қазақстан Республикасының Мемлекеттік рәміздері күні

IMG-20180604-WA0014
4 маусым 2018

Қазақстан Республикасының Мемлекеттік рәміздері күні

20180604_102201

«Мемлекеттік рәміздер – мемлекетіміздің, егемендігіміздің берік негізінің бірі. Олар  Тәуелсіздіктің қасиетті біріктіруші бейнесін білдіреді» – деп атап өткен Елбасымыз Нұрсұлтан Назарбаев.

«Қазақстан Республикасының Мемлекеттік рәміздері туралы» Конституциялық Заң 2007 жылы 4 маусымда қабылданды. Осы Заңға сәйкес жыл сайын 4 маусым Қазақстан Республикасында Мемлекеттік рәміздер күні ретінде мерекеленеді.

Мемлекеттік рәміздер – бұл кез келген мемлекеттің егемендігі мен біртұтастығын бейнелейтін, оның ажырағысыз атрибуттарының бірі. Қазақстан Республикасында Мемлекеттік ту, Мемлекеттік елтаңба және Мемлекеттік гимн мемлекеттік рәміздер болып табылады.

Осындай бағытта Шу аудандық  орталық алаңында -Қазақстан Республикасы Мемлекеттік Рәміздер күніне арналған мерекелік, салтанатты іс–шара болып өтті. Атаулы шара басында орталық алаңға Мемлекеттік Ту, Мемлекеттік Елтаңба ұстаған әскерилер мен Мемлекеттік Туды желбіретіп көкке көтерген «Либерти» мотоклубының мотожүргізушілерімен автокөліктер шеруі өтті. Жиын Шу аудандық мәдениет үйінде жалғасын тапты. Жиылған көпшілікке Шу ауданы әкімі Қайрат Досаев мерекелерімен  құттықтап сөз сөйледі.

Сөз соңында аудан басшысы Шу ауданы әкімінің 2018 жылғы 1 маусымдағы № 293 өкімімен Егемен еліміздің бірлігі мен берекесін нығайтуда игілікті істері мен тәуелсіз Қазақстан құру жолында сіңірген еселі еңбектері үшін және 4 маусым – Қазақстан Республикасының мемлекеттік рәміздері күні мерекесіне орай аудан әкімінің «Құрмет грамотасы» және «Алғыс хаттарымен» марапаттады.

Мерекелік шара Шу аудандық мәдениет қызметкерлерінің Қазақстан Республикасының Мемлекеттік Рәміздер күніне арналған мерекелік концерттік бағдарламасымен жалғасты.

Соңғы жаңалықтар

Телефон қабылдау

8 (72638) 3 10 75