Тындырымды тірліктер қанағаттандырады

7 ақпан 2018

Тындырымды тірліктер қанағаттандырады

 

Әкімнің халыққа жақындығы кімді болса да қуантады. Қайрат Әскербекұлының ауданға әкім болып сайланғанына бір жыл да бола қойған жоқ. Ауданның табалдырығын аттағаннан бірқатар тындырымды тірліктердің басын қайырып үлгерді. Қазақтың жайбасар халық екендігін мойындамайтын жан жоқ шығар. Басшы болып тағайындалғалы біздерді оятумен келеді. Рас, бірлескен іс қашан да берекелі. Ал біздердікі «сен тимесең, мен тименің» тірлігі. Әкім айтпақшы, іс бірлесе жасалса, ауылды тұрғындардың өзі-ақ гүлдендіре алады. Осындай бір ауыз сөзінің өзі адамды қайрап, жігерлендіреді. Есеп барысында бос уәдені үйіп-төкпеді, нақты әрі шынайы жауап берді. Жыл бойы атқарған жұмысы көңілге қонымды. Сондықтан оң бағамды бере отырып, алдағы уақытта да нәтижелі жұмыстар атқаратынына сенім білдіремін.

Салтанат Шәймерденова,

Ақтөбе ауылының тұрғыны.

***

Өңір басшысының кескін-келбетіне қарап-ақ іскер азамат екенін аңғаруға болады. Талапшыл екендігін де жиі естиміз. Көзімізбен көріп жүрген тындырымды тірліктерден-ақ оның талапшылдығы, білікті басшы екендігі байқалады. Баяндама барысында төрт ірі жобаның жүзеге асқалы жатқанын тілге тиек етті. Бұл жаңалық бізді қуантты. Шындығында ауданымызда ірі кәсіпорындар жоқтың қасы. Ал соның салдарынан жұмыссыз жүргендер қаншама. Енді қол қусырып қарап отырған азаматтардың екі қолына бір күрек табылып қалатын шығар деген ойдамын. Сондай-ақ, көптен күткен ел тілегі – Жиенбет ауылындағы негізгі мектеп ғимаратының мәселесі қолға алынып жатқандығы жанымызды жадыратты. Аудан басшысының ауданның әлеуметтік-экономикалық жағдайын көтеруге атқарған еңбегін оң тұрғыда бағалап, ризашылығымды білдіремін.

Сәден Естаев,

Мойынқұм ауылының тұрғыны.

***

Аудан әкімінің ауылымызға келгенінің өзі құт қондырғандай болды. Жылы амандасып, арасында қалжыңдасып та үлгерді. Осының өзі ішкі жан дүниесінің халықпен жақын екендігін білдіріп тұрғандай. Есептік баяндамасында ауданның жетістіктерін, жоспарды орындау барысындағы жүзден жоғары пайыздық көрсеткіштерді мәлімдеп, қатысушыларды бір марқайтып қойды. Проблемалы тұстарды да жасырмады. Бірақ олар кезегімен ретке келетін мәселелер екені түсінікті. Негізі Өндіріс ауылдық округінің тұрмыс жағдайы жаман емес. Десе де проблемалы тұстар да көрініс беруде. Ауыл әкімі де алдағы жоспармен толық таныстырып шықты. Көгілдір отын, ауызсу  мәселелері де шешімін тапқалы тұр. Мәдениет үйінің бой көтеретіні де айтылды. Білікті басшымыздың арқасында жағдайымыз бірте-бірте түзеліп келеді. Сол себепті жұмысына қанағаттанарлық бағамды беріп, алғысымды айтамын.

Берікхан Байтұрғанов,

Абай ауылының тұрғыны.

***

Біз егде жастағы адам болғандықтан, аудан өмірінде атқарылып жатқан жұмыстар жөнінде өзіндік ой түйіп отырамыз. Жүзеге асырылған игілікті істерді күнделікті көріп жүрміз. Аудан басшысының бағыты жаман емес. Келешекке жоспарлаған маңызды міндеттер де біршама екен. Халықтың әлеуметтік жағдайын арттыруға бағытталған сол мақсаттардың лайықты орындалуын тілеймін. Уақыт ағымында қолданысқа енгізілетін жағымды жаңалықтарды естіп қуанып қалдық. Әсіресе, өндіріс орындарының ашылатыны, әлеуметтік нысандар санының артатыны, бос тұрған ғимараттарды кәдеге жарату жоспары көңілден шықты. Осындай мақсаттарды жүзеге асыру үшін өзге де әріптестері аудан басшысына қосшы болып, жұмыла жұмыс жасайды деп сенемін.

Марат Мауталиев,

Дулат ауылдық округінің тұрғыны.

***

Аудан әкімі Қайрат Әскербекұлының есепті баяндамасын тыңдап, аудан өміріндегі бірқатар жағымды жаңалықтармен таныстым. Әр сала бойынша нақты істердің орындалғаны байқалып тұр. Жалпы, аудан басшысы оң бағытты ұстанып келеді деп білемін. Енді, баяндама барысында айтылған келешектің еншісіндегі жоспарлар лайықты жүзеге асырылып жатса нұр үстіне нұр. Әрі қарай да осы бағыттан танбай еңбек ететін болса, көпшілік көкейіндегі сұрақтар оң шешімін тауып жатса ауданымыз биіктен көрінетініне сенімім мол. Сондықтан, аудан басшысының тың бастамаларына сәттілік серік болсын демекпін.

Шымшық Мадалиева,

Балуан Шолақ ауылдық округінің тұрғыны.

***

Есепті кездесу барысында өңір басшысы Қайрат Әскербекұлын байсалды, қарапайым, әр істің нақты шешімін таба білетін, іскер азамат ретінде таныдым. Баяндама желісінде аудан өмірінің барлық саласын қамтып, маңызды істерді  қысқа да нұсқа түсіндіріп өтті. Өңірде көптеген игілікті істердің орындалып жатқанына көз жеткіздім. Аудан басшысының жер игеру мәселесіне жауаптылықпен қарауды жолға қоюы, тұрғын үймен қамту, ескі «СПТУ-24» ғимаратын кәдеге жарату жөніндегі бастамасы ұнады. Алдағы уақытта да тұрғындардың көкейінде жүрген өзекті мәселелер лайықты шешімін табады деп сенемін. Аудан әкімінің жыл ішінде атқарған жұмыстарын «қанағаттанарлық» деп бағалаймын.

Сандуғаш Иманбекова,

Жаңақоғам ауылдық округінің тұрғыны.

Соңғы жаңалықтар

IMG_7018 ҚОҒАМ
12.09.2018

Өзекті мәселелерді бақылауға алды БЕЙСЕНБІ КҮНІ ОБЛЫС ӘКІМІНІҢ ТАПСЫРМАСЫ БОЙЫНША, АРНАЙЫ БЕКІТІЛГЕН КЕСТЕГЕ САЙ АУДАНЫМЫЗҒА ОБЛЫС ӘКІМІНІҢ БАС ИНСПЕКТОРЫ ТЕРЛІКБАЕВ ӘЛІБЕК МАМЫТЖАНҰЛЫ КЕЛІП, ЖЕРГІЛІКТІ ТҰРҒЫНДАРМЕН КЕЗДЕСУ ӨТКІЗДІ (СУРЕТТЕ). «НҰР ОТАН» ПАРТИЯСЫ АУДАНДЫҚ ФИЛИАЛЫНЫҢ МӘЖІЛІС ЗАЛЫНДА ӨТКЕН ЖИЫНҒА АҒА БУЫН ӨКІЛДЕРІНЕН ҚҰРАЛҒАН ТӨЛЕ БИ АУЫЛЫНЫҢ ТҰРҒЫНДАРЫ ҚАТЫСТЫ. Төле би ауылдық округінің әкімі Е.Даберов жиынды ашып, облыстан келген қонақты таныстырып, көпшілікті жиынға белсене атсалысуға шақырды. Мұнан кейін сөз кезегін алған Ә.Терлікбаев: -Бүгінгі кездесудің мақсаты – ауылдың тыныс-тіршілігін назарға алып, тұрғындардың мемлекеттік мекемелер басшыларының халықпен байланысы, мекемелердің қызмет сапасы жөніндегі ойларын, оларға қатысты сын-пікірлерін тыңдап, елді мекендегі өзекті мәселелерді жоғарғы билік өкілдеріне жеткізіп, оңынан шешілуіне ықпал ету,-деп атап өтті. Сұрақ-жауап кезеңінде алғашқы болып сөз алған аудандық ардагерлер ұйымы кеңесінің мүшесі М.Шалғынбаев бірнеше уақыттан бері нақты шешімі табылмай келе жатқан көгілдір отынның құнына байланысты ойын ортаға салды. Сондай-ақ, осы сұрақ төңірегінде М.Уақтегі, Н.Бердиев, Ә.Орманов, И.Алиев сынды аға буын өкілдері де пікірлерімен бөлісті. Мысалы, М.Шалғынбай жоғарыдағы билік органдарына 1200-ден астам адамның қолы қойылған хат жіберілсе де, әлі күнге дейін ешбір оң нәтиже жоқтығын айтса, Н.Бердиев өзге аудандарда халықтың көңілінен шықпаған мердігер ұйым ол жерде жұмыс жасамайтындығын, ал бізде «Париев» ЖШС әлі де өз жұмысын жалғастырып отырғандығына ренішін жеткізді. Оның айтуынша, ауыл ішіндегі қалтасы қалың азаматтар көгілдір отынға қосылып, игілігін көруде, ал бір зейнетақыға қарап отырған зейнеткелер мен қаржылық мұршасы жетпейтін өзге де тұрғындар тек арман жетегінде келеді. Сондай-ақ, И.Алиев көгілдір отынға қосылу бойынша Ұлы Отан соғысына қатысушыларға теңестірілгендерге жеңілдік бар-жоғын сұраса, Ә.Орманов осыдан бірнеше жыл бұрын өз көшесіне орнатылған су құбырларының бірнеше жерден жарылып, әлі күнге дейін су атқылап тұратындықтан, су құбырларын түбегейлі жаңарту, «Аша» тұрғын алқабындағы көше жолына асфальт төсеу қажеттігін, өйткені, кешкі уақытта көшенің шаңынан таза ауамен тыныстауға мүмкіндік жоғын жеткізді. Сондай-ақ, аудандық қоғамдық кеңес төрағасы Е.Досымбаев Төле би ауылындағы жер асты суының көтерілу мәселесін алға тартып, оның алдын алмаса, жерді қамыс басып, шамамен бес жылдан соң тұрғындар 1000 гектар жерден айырылып қалатындығын айтты. Осы және өзге де ұсыныс-пікірлерді мұқият тыңдаған Әлібек Мамытжанұлы жер асты суының көтерілуі шын мәнінде мәнді мәселе екендігін айтып, алдағы уақытта облыс орталығында өтетін үлкен жиынға Е.Досымбаевты шақырып, мәселенің шешімін табуды сол жерде бірге қарастыратындығын жеткізді. Көше жолын асфальттау бойынша округ әкімі Е.Даберов қанағаттанарлық жауап берсе, Әлібек Мамытжанұлы көгілдір отынға қосылу құнын арзандату яғни, көпшіліктің аузынан түспей жүрген 82 756 теңге жөнінде жан-жақты зерделеп, жақын арада жауабын айтатындығын мәлімдеді. Динара БАТЫРХАИРОВА. Суретті түсірген автор.

Бейсенбі күні облыс әкімінің тапсырмасы бойынша, арнайы бекітілге...

Телефон қабылдау

8 (72638) 3 10 75