Баланың бақыты балабақшадан

откр.д-сада
2 маусым 2018

Баланың бақыты балабақшадан

Соңғы кездері мемлекеттік-жекеменшік әріптестіктің шырмаулы сұрақтары оң шешімін тауып жүр. Оның бірден-бір дәлелі ретінде ауданымызда жаңбырдан кейінгі саңырауқұлақтай бірінен кейін бірі ашылып жатқан жекеменшік балабақшаларды айтсақ болады.

Өткен аптада ғана 1 маусым – Халықаралық балаларды қорғау күні қарсаңында жеке кәсіпкер Асима Мурзабекова Бірлік ауылында 150 орынға шақталған «Алмар» атты балабақша ашты. Ашылу салтанатына арнайы барған аудан әкімі Қайрат Әскербекұлы Досаев ауыл тұрғындарын осынау айтулы оқиғамен құттықтап, мектеп жасына дейінгі балаларға білім мен тәрбие беруде өзіндік үлесін қосқан кәсіпкерге алғысын білдірді. Сондай-ақ, аудан басшысы су жаңа балабақшаға базарлығын да ала барған екен.

Қайрат Әскербекұлынан бөлек ауылдық ақсақалдар кеңесінің төрағасы Байжан Шымболат, ата-аналар атынан сөйлеген Рыстай Сауранбаев та балабақша ұжымына сәттілік тілеп, ақжарма тілектерін айтты. Содан кейін мектепке дейінгі шағын орталықтың лентасын қию салтанатты рәсімі өтіп, жиналған жұртшылық балабақшаның ішімен танысты. Кең дәліз, демалуға және ойнауға арналған бөлмелер, заманауи үлгідегі қажетті заттар балалардың көңілін көтермей қоймасы анық. Бүгінгі таңда балабақша айналасын абаттандыру жұмыстары жүріп жатыр. Ал, жаңа балабақшаға қазірдің өзінде 70 бала қабылданып, сапалы білім мен салиқалы тәрбие алуға сақадай сай тұр.

Суретте: «Алмар» балабақшасының ашылу салтанаты.

Суретті түсірген П.Норкин.

Соңғы жаңалықтар

Телефон қабылдау

8 (72638) 3 10 75