Өріс төлге толды

_APR4180
10 мамыр 2018

Өріс төлге толды

 

Сәуір қой өсіруші шаруалар үшін қарбаласқа толы айлардың бірі. Қазір қой төлдету науқаны, яғни сақман аяқталып келеді. Мал басының өсуі дәл осы сақманның сәтті аяқталуына байланысты.

Біздің ауданымыздағы ең ірі қой өсіретін шаруашылықтың бірі – «Батай-Шу» шаруа қожалығы. Бүгінде бұл шаруашылықтың қора-жайында 7000 бас қой, оның 5500 басы аналық қойлар. Аталған шаруа қожалықты 1997 жылы  Айтбек Андасбаев 500 басы бар бір ғана отармен құрған болатын. Өз ісіне деген сүйіспеншілік пен ерен еңбектің арқасында бұл шаруашылықтың дәл осылай еңсе тіктеген жайы бар. Бір айта кетерлігі, шаруашылықтағы қойлардың көбісі асыл тұқымды оңтүстік қазақстандық ақ қойлар мен қазақтың етті қойы болып табылады.

Сүйікті ісі саналатын қой өсіруді өзінің кіші баласы Болатқа табыстаған Айтбек Андасбаев бүгінде еңбек демалысында. Болат әкесінің бастап берген шаруасын лайықты жалғастырып келеді. Өзі зейнетте болса да, Айтбек Андасбаев қашанда шаруашылықтың жай-күйіне алаңдап отырады. Ол сақман  кезінде шопандардың өмір тынысымен танысып отыруды әдетке айналдырған. Сол әдеті бойынша өткен аптада біз онымен бірге құмдағы Андасбаевтардың шаруашылығында болып қайттық.

-Қазіргі уақытта өз ісіне адал, жақсы шопандарды табу қиын болып тұр. Бұрыннан бері қой бағып келе жатқан ескі һәм тәжірибелі шопандардың орнын алмастырған жас шопандар «шопандыққа» мамандық деп қарамайды. Бұрын шопандар құрметті әрі елге сыйлы болған. Әрі шопандық атадан балаға мұра болып қалып отыратын. Жетістікке жетіп жатқан шопандар төсбелгілермен және медальдармен марапатталатын. Және газет беттерінен шопандардың портреті түспейтін. Қазіргі нарық экономикасы дамыған заманда қой өсіретін шаруашылықтың бәрі жекеменшіктің меншігінде. Сондықтан шопандармен кім, қалай келісемін десе өз еркінде. Мысалы, біз әр шопанға қазіргі заман талабын ескере отырып, 120 мың теңге айлық төлейміз. Сонымен қатар, сақман кезінде төлдеткен қой басының санына қарай сыйақы тағайындаймыз. Осы сыйақының арқасында әр шопанның 3-4 жылда өзінің жеке кәсібін ашуға мүмкіндігі бар. Ол үшін талмай еңбек етіп, қойылған талаптарды орындау керек,-дейді А.Андасбаев.

Жоспарды орындап шығу үшін шопандар қазір тырысып жүр екен. Сақман аяқталып, алдын ала жоспарлағандай нәтижеге қол жетіпті.

Талмай еңбектеніп, мал төлдетуде алда тұрған шопандардың қатарында Арман Иманбеков, Самат Егізбаев және оның ұлы Ербол бар.

Петр НОРКИН.

Суреттерде: «Батай-Шу» шаруа

қожалығының негізін салушы

Соңғы жаңалықтар

IMG_7018 ҚОҒАМ
12.09.2018

Өзекті мәселелерді бақылауға алды БЕЙСЕНБІ КҮНІ ОБЛЫС ӘКІМІНІҢ ТАПСЫРМАСЫ БОЙЫНША, АРНАЙЫ БЕКІТІЛГЕН КЕСТЕГЕ САЙ АУДАНЫМЫЗҒА ОБЛЫС ӘКІМІНІҢ БАС ИНСПЕКТОРЫ ТЕРЛІКБАЕВ ӘЛІБЕК МАМЫТЖАНҰЛЫ КЕЛІП, ЖЕРГІЛІКТІ ТҰРҒЫНДАРМЕН КЕЗДЕСУ ӨТКІЗДІ (СУРЕТТЕ). «НҰР ОТАН» ПАРТИЯСЫ АУДАНДЫҚ ФИЛИАЛЫНЫҢ МӘЖІЛІС ЗАЛЫНДА ӨТКЕН ЖИЫНҒА АҒА БУЫН ӨКІЛДЕРІНЕН ҚҰРАЛҒАН ТӨЛЕ БИ АУЫЛЫНЫҢ ТҰРҒЫНДАРЫ ҚАТЫСТЫ. Төле би ауылдық округінің әкімі Е.Даберов жиынды ашып, облыстан келген қонақты таныстырып, көпшілікті жиынға белсене атсалысуға шақырды. Мұнан кейін сөз кезегін алған Ә.Терлікбаев: -Бүгінгі кездесудің мақсаты – ауылдың тыныс-тіршілігін назарға алып, тұрғындардың мемлекеттік мекемелер басшыларының халықпен байланысы, мекемелердің қызмет сапасы жөніндегі ойларын, оларға қатысты сын-пікірлерін тыңдап, елді мекендегі өзекті мәселелерді жоғарғы билік өкілдеріне жеткізіп, оңынан шешілуіне ықпал ету,-деп атап өтті. Сұрақ-жауап кезеңінде алғашқы болып сөз алған аудандық ардагерлер ұйымы кеңесінің мүшесі М.Шалғынбаев бірнеше уақыттан бері нақты шешімі табылмай келе жатқан көгілдір отынның құнына байланысты ойын ортаға салды. Сондай-ақ, осы сұрақ төңірегінде М.Уақтегі, Н.Бердиев, Ә.Орманов, И.Алиев сынды аға буын өкілдері де пікірлерімен бөлісті. Мысалы, М.Шалғынбай жоғарыдағы билік органдарына 1200-ден астам адамның қолы қойылған хат жіберілсе де, әлі күнге дейін ешбір оң нәтиже жоқтығын айтса, Н.Бердиев өзге аудандарда халықтың көңілінен шықпаған мердігер ұйым ол жерде жұмыс жасамайтындығын, ал бізде «Париев» ЖШС әлі де өз жұмысын жалғастырып отырғандығына ренішін жеткізді. Оның айтуынша, ауыл ішіндегі қалтасы қалың азаматтар көгілдір отынға қосылып, игілігін көруде, ал бір зейнетақыға қарап отырған зейнеткелер мен қаржылық мұршасы жетпейтін өзге де тұрғындар тек арман жетегінде келеді. Сондай-ақ, И.Алиев көгілдір отынға қосылу бойынша Ұлы Отан соғысына қатысушыларға теңестірілгендерге жеңілдік бар-жоғын сұраса, Ә.Орманов осыдан бірнеше жыл бұрын өз көшесіне орнатылған су құбырларының бірнеше жерден жарылып, әлі күнге дейін су атқылап тұратындықтан, су құбырларын түбегейлі жаңарту, «Аша» тұрғын алқабындағы көше жолына асфальт төсеу қажеттігін, өйткені, кешкі уақытта көшенің шаңынан таза ауамен тыныстауға мүмкіндік жоғын жеткізді. Сондай-ақ, аудандық қоғамдық кеңес төрағасы Е.Досымбаев Төле би ауылындағы жер асты суының көтерілу мәселесін алға тартып, оның алдын алмаса, жерді қамыс басып, шамамен бес жылдан соң тұрғындар 1000 гектар жерден айырылып қалатындығын айтты. Осы және өзге де ұсыныс-пікірлерді мұқият тыңдаған Әлібек Мамытжанұлы жер асты суының көтерілуі шын мәнінде мәнді мәселе екендігін айтып, алдағы уақытта облыс орталығында өтетін үлкен жиынға Е.Досымбаевты шақырып, мәселенің шешімін табуды сол жерде бірге қарастыратындығын жеткізді. Көше жолын асфальттау бойынша округ әкімі Е.Даберов қанағаттанарлық жауап берсе, Әлібек Мамытжанұлы көгілдір отынға қосылу құнын арзандату яғни, көпшіліктің аузынан түспей жүрген 82 756 теңге жөнінде жан-жақты зерделеп, жақын арада жауабын айтатындығын мәлімдеді. Динара БАТЫРХАИРОВА. Суретті түсірген автор.

Бейсенбі күні облыс әкімінің тапсырмасы бойынша, арнайы бекітілге...

Телефон қабылдау

8 (72638) 3 10 75