Шешімін таппаған шаруа көп

5,,,
13 маусым 2018

Шешімін таппаған шаруа көп

4

Дүйсенбі күні ауданымызға жұмыс сапарымен келген облыс әкімінің бірінші орынбасары Б.С.Орынбековті аудан әкімі Қ.Ә.Досаев күтіп алып,  бірқатар стратегиялық маңызды нысандардың жұмысымен таныстырды.

Облыстан келген қонақ әуелі Шу қаласындағы орталық қазандықта болды. «Шу-жылу» КМК директоры Р.С.Куккузов жылу ошағының кезекті жылыту маусымына дайындығы бойынша жан-жақты түсінік берді. Орталық қазандықтың өткен жылдан бері көгілдір отын арқылы жылу таратып отырғаны белгілі. Келеңсіз жағдайлар орын алған сәтте екі резервті қазандық қатты отынмен жылу таратуға дайын тұр. Қазіргі уақытта кәсіпорын ұжымы жоспарлы ағымдағы жөндеу жұмыстарын жүзеге асыруда.

Әрі қарай облыс әкімінің орынбасары Шу қаласы, «Батыс» мөлтек ауданындағы шатырына жөндеу жұмыстарын жүргізу көзделген Қонаев көшесі, №18 екі қабатты үйдің жай-күйімен танысты. Мұндағы атқарылған жұмыстар бойынша аудан әкімдігі тұрғын үй инспекциясы бөлімінің басшысы А.С.Зәуірбеков пен Шу қаласының әкімі Б.М.Тұрғынбаев жасаған мәлімдемеден кейін, Бекболат Серікбекұлы бұл іске мемлекеттік бюджет есебінен қаражат бөлу мәселесіне орай бірқатар сын-ескертпелер жасады.

-Неге жөндеу жұмыстары «Тұрғын үй-коммуналды шаруашылықты жаңғырту» бағдарламасы аясындағы  бес қабатты үйдің жөндеу жұмыстарына тұрғындар төлеген қайтарым қаражат есебінен жүзеге асырылмайды? Барлық жұмысты тек бюджет қаражатына орындау дұрыс емес. Оны неғұрлым ауқымды жұмыстарға жұмсау қажет,-деді Б.Орынбеков.

Мұнан кейін   тараздық қонақ, 2010 жылы салу жоспарланған Шу қаласындағы кәріз және шайынды су жүйелері мен «Жайсан» мөлтек ауданындағы 35/10 кв подстанса секілді жұмысы аяқсыз қалған бірнеше нысанда болды. Мәселенің мәні әртүрлі жылдарда аталған стратегиялық маңызды нысандардың құрылыс жұмысын өз міндетіне алып,  қомақты қаражатты иеленген соң тиісті жұмысты аяғына дейін атқармастан, көзден ғайып болған мердігер ұйымның жауапсыздығында болып отыр. Бүгінгі таңда ол құқық қорғау органдарының да іздеуінде. Кәріз және шайынды су жүйелерін қалпына келтіру қомақты қаражатты талап етеді. Ал, подстансаны іске қосуға болады. Сондықтан, бұл мәселемен айналысу аудан басшысына тапсырылды.

Бұл күні Бекболат Серікбекұлы «Жетісу» мөлтек ауданында орналасқан, 75 пәтерлі тұрғын үйге де атбасын бұрды. Сондай-ақ, Қонаев ауылындағы апатты көпір жағдайы, жөндеу жұмысын жүргізу жоспарланған Төле би ауылындағы жұмыспен қамту орталығы,  аудан орталығындағы кәріз жүйесі мен жабдықтарын қайта жаңғырту бойынша құрылыс жұмыстарын да назардан тыс қалдырмады.

Іссапар соңында Бекболат Орынбеков аудан әкімдігінің мәжіліс залында жергілікті активпен қорытынды жиын өткізді. Облыс басшысының бірінші орынбасары іссапар барысында санаға түйген ойымен бөлісті. Ол аудан әкімі мен өзге де жауапты тұлғаларға орын алған кемшіліктердің орнын оңды істермен толтыру жөнінде тапсырмалар берді. Әсіресе, аудандағы міндетті медициналық сақтандыру бойынша және өзін-өзі жұмыспен қамтыған тұрғындарды анықтау жұмыстарының әлсіз екендігін айтты.

-Атқаратын жұмыс шаш етектен. Екі жарым аптадан кейін алғашқы жартыжылдық аяқталып, облыс бойынша қорытынды шығарылады. Сондықтан, тығырықтан шығудың жолдарын қарастыру қажет,-деп сөзін аяқтады Бекболат Серікбекұлы.

Нұржан ҚАДЫРБЕКОВ.

Суреттерде: Б.Орынбековтың іссапар барысынан көріністер.

Суреттерді түсірген Петр Норкин.

Соңғы жаңалықтар

IMG_7018 ҚОҒАМ
12.09.2018

Өзекті мәселелерді бақылауға алды БЕЙСЕНБІ КҮНІ ОБЛЫС ӘКІМІНІҢ ТАПСЫРМАСЫ БОЙЫНША, АРНАЙЫ БЕКІТІЛГЕН КЕСТЕГЕ САЙ АУДАНЫМЫЗҒА ОБЛЫС ӘКІМІНІҢ БАС ИНСПЕКТОРЫ ТЕРЛІКБАЕВ ӘЛІБЕК МАМЫТЖАНҰЛЫ КЕЛІП, ЖЕРГІЛІКТІ ТҰРҒЫНДАРМЕН КЕЗДЕСУ ӨТКІЗДІ (СУРЕТТЕ). «НҰР ОТАН» ПАРТИЯСЫ АУДАНДЫҚ ФИЛИАЛЫНЫҢ МӘЖІЛІС ЗАЛЫНДА ӨТКЕН ЖИЫНҒА АҒА БУЫН ӨКІЛДЕРІНЕН ҚҰРАЛҒАН ТӨЛЕ БИ АУЫЛЫНЫҢ ТҰРҒЫНДАРЫ ҚАТЫСТЫ. Төле би ауылдық округінің әкімі Е.Даберов жиынды ашып, облыстан келген қонақты таныстырып, көпшілікті жиынға белсене атсалысуға шақырды. Мұнан кейін сөз кезегін алған Ә.Терлікбаев: -Бүгінгі кездесудің мақсаты – ауылдың тыныс-тіршілігін назарға алып, тұрғындардың мемлекеттік мекемелер басшыларының халықпен байланысы, мекемелердің қызмет сапасы жөніндегі ойларын, оларға қатысты сын-пікірлерін тыңдап, елді мекендегі өзекті мәселелерді жоғарғы билік өкілдеріне жеткізіп, оңынан шешілуіне ықпал ету,-деп атап өтті. Сұрақ-жауап кезеңінде алғашқы болып сөз алған аудандық ардагерлер ұйымы кеңесінің мүшесі М.Шалғынбаев бірнеше уақыттан бері нақты шешімі табылмай келе жатқан көгілдір отынның құнына байланысты ойын ортаға салды. Сондай-ақ, осы сұрақ төңірегінде М.Уақтегі, Н.Бердиев, Ә.Орманов, И.Алиев сынды аға буын өкілдері де пікірлерімен бөлісті. Мысалы, М.Шалғынбай жоғарыдағы билік органдарына 1200-ден астам адамның қолы қойылған хат жіберілсе де, әлі күнге дейін ешбір оң нәтиже жоқтығын айтса, Н.Бердиев өзге аудандарда халықтың көңілінен шықпаған мердігер ұйым ол жерде жұмыс жасамайтындығын, ал бізде «Париев» ЖШС әлі де өз жұмысын жалғастырып отырғандығына ренішін жеткізді. Оның айтуынша, ауыл ішіндегі қалтасы қалың азаматтар көгілдір отынға қосылып, игілігін көруде, ал бір зейнетақыға қарап отырған зейнеткелер мен қаржылық мұршасы жетпейтін өзге де тұрғындар тек арман жетегінде келеді. Сондай-ақ, И.Алиев көгілдір отынға қосылу бойынша Ұлы Отан соғысына қатысушыларға теңестірілгендерге жеңілдік бар-жоғын сұраса, Ә.Орманов осыдан бірнеше жыл бұрын өз көшесіне орнатылған су құбырларының бірнеше жерден жарылып, әлі күнге дейін су атқылап тұратындықтан, су құбырларын түбегейлі жаңарту, «Аша» тұрғын алқабындағы көше жолына асфальт төсеу қажеттігін, өйткені, кешкі уақытта көшенің шаңынан таза ауамен тыныстауға мүмкіндік жоғын жеткізді. Сондай-ақ, аудандық қоғамдық кеңес төрағасы Е.Досымбаев Төле би ауылындағы жер асты суының көтерілу мәселесін алға тартып, оның алдын алмаса, жерді қамыс басып, шамамен бес жылдан соң тұрғындар 1000 гектар жерден айырылып қалатындығын айтты. Осы және өзге де ұсыныс-пікірлерді мұқият тыңдаған Әлібек Мамытжанұлы жер асты суының көтерілуі шын мәнінде мәнді мәселе екендігін айтып, алдағы уақытта облыс орталығында өтетін үлкен жиынға Е.Досымбаевты шақырып, мәселенің шешімін табуды сол жерде бірге қарастыратындығын жеткізді. Көше жолын асфальттау бойынша округ әкімі Е.Даберов қанағаттанарлық жауап берсе, Әлібек Мамытжанұлы көгілдір отынға қосылу құнын арзандату яғни, көпшіліктің аузынан түспей жүрген 82 756 теңге жөнінде жан-жақты зерделеп, жақын арада жауабын айтатындығын мәлімдеді. Динара БАТЫРХАИРОВА. Суретті түсірген автор.

Бейсенбі күні облыс әкімінің тапсырмасы бойынша, арнайы бекітілге...

Телефон қабылдау

8 (72638) 3 10 75