Кәсіпорын тынысы кеңейіп келеді

10 мамыр 2018

Кәсіпорын тынысы кеңейіп келеді

 

Биылғы жылы өз Тәуелсіздігінің 27 жылдығын атап өтетін Қазақстанның заманауи экономикасын қалыптастыруда теміржол саласы маңызды рөлге ие. Бұл сала республика аумағында көптеген өндіріс ісін дамытуға тікелей оң әсерін тигізе отырып, тәулік бойы ауыр жүк тасымалдауда да еліміздің өндірістік күшін бір арнаға тоғыстыратын мемлекеттің тірегі болып қала береді.

Шу қаласы осы уақытқа дейін  өңіріміздің даңқын асыратын бірнеше ұрпақ өкілдер еселі еңбек еткен,  теміржол саласының көптеген маңызды кәсіпорындары орналасқан еліміздің ірі теміржол торабына айналды. Сондай ірі кәсіпорындардың бірі – бірқатар білікті мамандарды түлетіп, табысты қызмет етіп келе жатқан Шу локомотив пайдалану депосы. Ең бастысы, мұнда өткен жылдардың үлесіндегі бай тәжірибені сақтап қалуға және өндіріс процесіне  жаңа, заманауи технологияны енгізуге өзіндік ықпалын тигізетін ұрпақтар сабақтастығы ұстанымы табысты жүзеге асып келеді.

Қазіргі ғасыр – компьютерлік технология ғасыры. Біздің теміржолшылар да бұл процестен қалыс қалған емес. Тәуелсіздік жылдарында көптеген өзгерістер орын алды. Локомотив паркі толықтырылды. Оның жарқын дәлелдерінің бірі – бізге Қытай мен Франция елдерінен жаңа техникалардың жеткізілуі. Мұның барлығы Мемлекет басшысы Н.Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Жолдауында көрсетілген міндеттермен тікелей байланысты. Мысалы, бүгінгі таңда Шу локомотив пайдалану депосында тозығы жеткен техникаларды заманауи үлгідегі, әлемдік деңгейдегі жоғары талаптарға сай келетін, жаңа техникаға алмастыру жүзеге асырылуда. Жоғарыда атап өткендей, бұл Қазақстанның барлық бағыттарына қатынайтын жолаушылар пойызын қамтамасыз ететін КZ-4A, KZ-4AS маркалы қытайлық өндірістен, KZ-4AТ маркалы франциялық өндірістен шыққан локомотивтер. Сондай-ақ, іргелес мемлекеттерден келетін техникалар қатарында жүк тасымалын қамтамасыз етуге арналған KZ-8 локомотиві де бар.

Осы мыңжылдықтың басында бізде «Тальго» және «Тұлпар Тальго» алғашқы жүрдек пойыздары шыға бастағаны белгілі. Бүгінгі таңда бұл жүрдек құрамдар еліміздің барлық аймағына қатынап, Қазақстанның барлық ірі қалаларына жолаушыларды тез әрі сапалы жеткізуде.

Біздегі локомотив бригадасы Шу-Сарышаған учаскесі бойынша жүрдек пойыздарға да қызмет көрсетеді. Жүк пойыздарына қатысты айтар болсақ, ол Шу-Сарышаған және Шу-Отар учаскелерінде жоғарыда аталған жаңа әрі заманауи локомотивтермен жүзеге асырылады.

Тағы бір айта кететін жайт, депо басшылығы жұмыс процесіндегі қажеттіліктерді жаңа жүйеге сай жаңғыртып отыруды да назардан тыс қалдырмайды. Біздегі барлық локомотивтер компьютерлендірілген, локомотив тобының мүшелеріне де жоғары талаптар қойылады.

Өйткені, қазіргі таңда ескі әдіспен жұмыс жасау мүмкін емес. Машинистер мен олардың көмекшілері пойыздардың қауіпсіз әрі сапалы қозғалысын қамтамасыз ету үшін барлық жаңа технологияны меңгерген болуы қажет.

Бір сөзбен айтқанда, біздің кәсіпорын алға қойылған міндеттерді лайықты орындап, ел экономикасын дамыту ісіне лайықты үлес қосып, мықты мемлекет құру жолында нақты заманауи қадамдар жасап келеді.

Константин Бирюков,

Шу локомотив пайдалану депо-сының машинист-инструкторы.

Соңғы жаңалықтар

IMG_7018 ҚОҒАМ
12.09.2018

Өзекті мәселелерді бақылауға алды БЕЙСЕНБІ КҮНІ ОБЛЫС ӘКІМІНІҢ ТАПСЫРМАСЫ БОЙЫНША, АРНАЙЫ БЕКІТІЛГЕН КЕСТЕГЕ САЙ АУДАНЫМЫЗҒА ОБЛЫС ӘКІМІНІҢ БАС ИНСПЕКТОРЫ ТЕРЛІКБАЕВ ӘЛІБЕК МАМЫТЖАНҰЛЫ КЕЛІП, ЖЕРГІЛІКТІ ТҰРҒЫНДАРМЕН КЕЗДЕСУ ӨТКІЗДІ (СУРЕТТЕ). «НҰР ОТАН» ПАРТИЯСЫ АУДАНДЫҚ ФИЛИАЛЫНЫҢ МӘЖІЛІС ЗАЛЫНДА ӨТКЕН ЖИЫНҒА АҒА БУЫН ӨКІЛДЕРІНЕН ҚҰРАЛҒАН ТӨЛЕ БИ АУЫЛЫНЫҢ ТҰРҒЫНДАРЫ ҚАТЫСТЫ. Төле би ауылдық округінің әкімі Е.Даберов жиынды ашып, облыстан келген қонақты таныстырып, көпшілікті жиынға белсене атсалысуға шақырды. Мұнан кейін сөз кезегін алған Ә.Терлікбаев: -Бүгінгі кездесудің мақсаты – ауылдың тыныс-тіршілігін назарға алып, тұрғындардың мемлекеттік мекемелер басшыларының халықпен байланысы, мекемелердің қызмет сапасы жөніндегі ойларын, оларға қатысты сын-пікірлерін тыңдап, елді мекендегі өзекті мәселелерді жоғарғы билік өкілдеріне жеткізіп, оңынан шешілуіне ықпал ету,-деп атап өтті. Сұрақ-жауап кезеңінде алғашқы болып сөз алған аудандық ардагерлер ұйымы кеңесінің мүшесі М.Шалғынбаев бірнеше уақыттан бері нақты шешімі табылмай келе жатқан көгілдір отынның құнына байланысты ойын ортаға салды. Сондай-ақ, осы сұрақ төңірегінде М.Уақтегі, Н.Бердиев, Ә.Орманов, И.Алиев сынды аға буын өкілдері де пікірлерімен бөлісті. Мысалы, М.Шалғынбай жоғарыдағы билік органдарына 1200-ден астам адамның қолы қойылған хат жіберілсе де, әлі күнге дейін ешбір оң нәтиже жоқтығын айтса, Н.Бердиев өзге аудандарда халықтың көңілінен шықпаған мердігер ұйым ол жерде жұмыс жасамайтындығын, ал бізде «Париев» ЖШС әлі де өз жұмысын жалғастырып отырғандығына ренішін жеткізді. Оның айтуынша, ауыл ішіндегі қалтасы қалың азаматтар көгілдір отынға қосылып, игілігін көруде, ал бір зейнетақыға қарап отырған зейнеткелер мен қаржылық мұршасы жетпейтін өзге де тұрғындар тек арман жетегінде келеді. Сондай-ақ, И.Алиев көгілдір отынға қосылу бойынша Ұлы Отан соғысына қатысушыларға теңестірілгендерге жеңілдік бар-жоғын сұраса, Ә.Орманов осыдан бірнеше жыл бұрын өз көшесіне орнатылған су құбырларының бірнеше жерден жарылып, әлі күнге дейін су атқылап тұратындықтан, су құбырларын түбегейлі жаңарту, «Аша» тұрғын алқабындағы көше жолына асфальт төсеу қажеттігін, өйткені, кешкі уақытта көшенің шаңынан таза ауамен тыныстауға мүмкіндік жоғын жеткізді. Сондай-ақ, аудандық қоғамдық кеңес төрағасы Е.Досымбаев Төле би ауылындағы жер асты суының көтерілу мәселесін алға тартып, оның алдын алмаса, жерді қамыс басып, шамамен бес жылдан соң тұрғындар 1000 гектар жерден айырылып қалатындығын айтты. Осы және өзге де ұсыныс-пікірлерді мұқият тыңдаған Әлібек Мамытжанұлы жер асты суының көтерілуі шын мәнінде мәнді мәселе екендігін айтып, алдағы уақытта облыс орталығында өтетін үлкен жиынға Е.Досымбаевты шақырып, мәселенің шешімін табуды сол жерде бірге қарастыратындығын жеткізді. Көше жолын асфальттау бойынша округ әкімі Е.Даберов қанағаттанарлық жауап берсе, Әлібек Мамытжанұлы көгілдір отынға қосылу құнын арзандату яғни, көпшіліктің аузынан түспей жүрген 82 756 теңге жөнінде жан-жақты зерделеп, жақын арада жауабын айтатындығын мәлімдеді. Динара БАТЫРХАИРОВА. Суретті түсірген автор.

Бейсенбі күні облыс әкімінің тапсырмасы бойынша, арнайы бекітілге...

Телефон қабылдау

8 (72638) 3 10 75